Dahil sa mabagal na paglipas ng panahon at sa sobrang wala akong magawa, nakita kong may nagtatanong sa cbox ko (>>>) kung ano ang ipinagkaiba ni lolo Adan/Adam/Adamantium at lola Eba/Eva/Eve. Hindi ako si Eli Soriano o si Apollo Quiboloy/Tabloid/Monggoloid, pero try ko.
Base sa bibliya, sila daw ay ang mga unang taong ginawa ng Diyos, na ang lalake ay nang galing sa abo, at ang babae ay nang galing sa tadyang ng lalakeng ginawa. Sila ang mga unang magulang at mga unang tito't tita, unang lolo't lola, at unang mga kapatid, unang pinsan, second cousing, third cousin, fourth, fifth, sixth.. so on and so forth.
Kaso, dahil galing ito sa bibliya, nag-aapply lang ito sa mga Kristyano. Hindi ko na alam kung ang origin story ng Islam, Hinduism, Buddhism, Sikhism, Judaism, Nazism, Christmas at iba pang may ism sa huli.
Ang pinagkaiba nila sa ating mga tao ngayon ay wala silang pusod, hindi kasi sila pinanganak. Si Adan kulang ng isang rib, habang si Eba naman isa lang ang rib, ata.
Siguro dahil sobrang bata pa ang lifespan ng tao noon, namuhay sila ng siguro ng eight hundred billion, billion years. Noong naninirahan pa sila siguro sa Garden of Eden, halos demi-gods siguro sila; invincile, malakas, mabilis, hindi napapagod, hindi nagpapawis, laging bata ang skin, maganda't gwapo, lumilipad, etc etc..
Pero, bukod sa mga sinabi ko, halos parehas lang sila sa atin, noong nasa labas na sila ng Garden.
