Gag*hang Message.

Nagsimula akong magkacellphone nung 3rd year na ako. Kasi useless naman talaga ang cellphone, unless laging unlimited ang pang call at text, portable fone. Pero hindi, kaylangan laging magpaload, or monthly payment para maka-tawag or text ka sa iba, at paminsan pa, bibigyan ka nila ng FREE load, kasi nakikita nilang mula sa cellphone, namumulube ka na.

Maganda daw ang advantage dahil laging in-touch ka sa mga kasama mo, at benepisyong malalaman ko kagad kung may assignment or wala, pero madalas naman hindi magagawa yun. Wala kasi silang load or ako walang load, kaya madalas parin na tatawag nalang ako sa bahay nila. "Laging in-touch" daw, madalas nga ay pinagsasawaan ko na nga ang mga mukha ng mga schoolmate ko.

Laging may dalang cellphone ang madalas mga babaeng classmates ko, at ang mga gwapo-daw na mga classmates ko. Hindi ko alam kung anong meron lagi silang nagtetext habang klase, patago pa, halata naman, parang mga tanga. Kaylangan ba nila laging sabihan ng "Hi" doon sa katext nila? Tas "Nu gwa mu?" Or sa case naman nag magshota, I WAB U ng I WAB U or I MIZ U ng I MIZ U.

Maraming nadulot ang cellphone sa Philippines. Isa na roon ay ang pagiging bobo sa spelling. mdls gnto mgtype or mgtxt ang mga gmgmit ng clfon. 0R kUnG |-|1|\|D1 nAmAn GaNiTo. Kulang kulang ang letters, or pataas baba ang mga ito. Kaya tuloy pag may spelling quiz bee or anything related na spelling, ang bobo ng mga tao minsan, at napapagod ang mga letra sa kaka-akyat baba.

Paminsan-minsan sa text nangyayari ang mga mahahalagang bagay. Tulad ng, simula ng isang away, panliligaw, pag-sagot sa nangliligaw, chismis, pagmura doon sa nagchismis, drama ng magshota, counselling, therapy, kasal, panganganak, divorce, annulment, pag-pasa ng assignment, pag-throw ng birthday party, at marami pang iba.

Sa ngayon, nag-gagamit ko ang cellphone ko na MP3/4 player, dahil na sira ang Ipod ko. Atleast, may silbi rin to bilang portable camera at video cam. Pero sa lahat siguro nangkinakainisan ko ay ang abilidad ng cellphone na makuha ang attention mo. May magtetext, GM lang pala, or Group Message, na sinend ng isang sino merong number mo. Pagnaglalaro ako ng online games, tulad ng Call of Duty 4, tapos may magtetext, hindi ko matiis na kunin ang cellphone at malaman kung sino yung nagtext; pagkatapos napatay ako, syit.

Kaninang umaga ay nagsimba ako, daladala ang cellphone parang pangpabigat ng bulsa; wallet na walang laman kasi dala ko. Habang nakatulala sa hangin, hindi nakikinig sa pastor, ay may nagtext, hindi ko kilala, GM siya. Nakalagay "tanga n ako sa kaiicp sau, magdamag akong bangag sa kahihntay ng txt m. sabog ako buong araw dhl wla k sa tab ko. lecheng pagibig 2! addict n ako. mgkano b 1 gramo ng panahn m?" Akala ko noong una ay kabarkada ko, pero hindi, yung schoolmate ko palang ngayon lang nakuha number ko. Eh dahil sa walang load, hindi ako nagreply. Mula sa simbahan, hanggang sa SM, at pauwi, nagtetext ng puro GM na puro tungkol sa pagmamahalan at love. Anong problema nito? Nakalanghap ka ba ng kinulong marijuana? May nililigawan ka ba? Ako ba? Ano bang ginawa ko para magdusa sa kaka-vibrate ng pants ko na parang may binulsa akong vibrator? Pagkatapos ng isang message, may susunod uli. At hanggang ngayon ay minemessage niya parin ako.

Sa mga gusto akong makatext, eto number ko : 09172......